Timeline

Thursday, 29 December 2011

Kersfees 2011



Dit is heel moontlik ons laaste Kersfees in Suid Afika vir 'n lang tyd en ons het besluit om die vakansie behoorlik te benut. Ons het nie soos die ander Gautengers see toe gegaan vir vakansie nie, maar by die huis gebly.

Ons het die kinders na Emperors Palace (Casino) geneem waar hulle 'n hele tuin opgemaak het met liggies. Dit was baie mooi en die kinders het hulleself vreeslik geniet.

As ek nou terug dink aan toe ek 'n kind was en ons na die liggie in Joubert Park (JHB) en Wemmer Pan gaan kyk het, moet ek eerlik sê, ek dink dit was beter in daardie dae. Daar was beter uitstallings. Hierdie likkies by Emperors was maar net rope lights wat in mooi vorms was en mooi geflikker het. Maar dalk is ek bevoordeeld omdat ek 'n kind was toe ek liggies gaan kyk het en alles was toe mos 'n bekooring. Maar in elk geval, die kinders het dit geniet en ons het 'n heelike aand gehad.



Neré, Cara en Megan




Nou ja, ek haat om voor die kamera te wees, maar Neré het daarop aangedring om ook vir Mamma by die liggies af te neem.



Vreeslike mooi vertonig van musiek in die liggies.



'n Vreeslike groot liggie kersboom



'n Avatar boom? Oja, en ons



Ons het ook van die vakansie gebruik gemaak om bietjie te gaan piekniek hou by Rietvlei dam. Die kinders het probeer J-board.



En Sarel het ook probeer J-board. Hy het dit actually reggekry!! Nooit te oud om iets nuut te leer nie ;-)



En ons het Batmington gepeel





En 'n vleisie gebraai!





Kersfees 2011 - Megan



Kersfees 2011 - Cara



Kersfees 2011 - Neré



Kersfees 2011 - Sarel en Chantel




Omdat dit heel moontlik ons laaste Kersfees in SA is (wel, behalwe nou as ons terug kom vir 'n kuier), het ek vroeer die jaar die naaste familie genooi om Kersdag by ons te kom spandeer. Ons was 21 volwassenes en 7 kinders. Elke gesin het 'n dis gebring (Gelukkig moet ek nie al die kos maak nie!) en op 'n wonderbaarlike manier het ons almal op ons stoep (patio) ingepas vir 'n aansit ete. Dit was 'n heerlike dag en nadat ons geëet het, het ons almal geskenke uitgeruil en lekker gekuier. Dit sal vir my baie spesiaal bly om ons laaste Kersfees so met al die familie te kon vier.

My ouers, Sarel se ma, my oorlede man se ouers, Sussies en skoonsussies, swaers en niggies en nefies het ons dag heerlik gemaak. Maar ten spyte van die lekker kuier, was ek poegaai aan die einde van die dag. My voete het gepyn en my bene gebrand. Ek was amper heel dag op my voete. Gelukkig is die 26ste ook 'n vakansie dag en ek het dit gebruik om te rus.



Die tafel wat 21 mense kon vat



Ons kerskouse



Die Kersboom



Almal kry hul plekkie by die tafel. Ek het klein geskenkies vir elkeen gekoop en dit as plekname gebruik.


Nou ja, so is nog 'n Kersfees daarmee heen en oor 'n paar dae is dit nuwe jaar.

Ons hoop julle het almal 'n heerlike kersfees gehad.
Ons wens julle almal 'n baie geseënde en voorspoedige 2012 toe.

Mag 2012 die jaar wees wat ons uiteindelik weer ons wortels kan skiet in 'n nuwe land.
Posted by Picasa

Sunday, 20 November 2011

Wat het ons geleer uit ons trip na Sydney

Ek het belowe om te vertel wat ons uitkoms is van wat ons in Australië gedoen en geleer het.  Ons kuier in Australië was in 3 gedeel in terme van uitkomste. 
Ek moet sê: Ek voel baie bevoorreg om hierdie “huiswerk” te kon doen.
Die eerste was om met expats te ontmoet en soveel moontlik inligting by hulle te kry. Danksy my skoonsus wat vele ontmoetings met met van hulle expat vriende gereel was hierdie doel uitgesorteer. Die 2de uikoms was om skole en woonbuurte te sien. Dit het ons grootliks gedoen deur met ‘n “relocation specialist” te werk en om self na “open houses” te gaan kyk.  Die laaste deel was om in winkels rond te hang (salig!!) en pryse te vergelyk.
Nou ja, hier volg ‘n opsomming van my eie idees. Indien julle ander idees het hieroor, laat my gerus weet. Ek waardeer terugvoer.

·         Pak soveel as moontlik van jou SA goed in. Borde, koppies, “bakkies en kakkies”. Moenie jammer voel vir die huishulp en ‘n klomp goed vir haar gee nie. Jy gaan daardie selfde goed heel moontlik in Australia moet vervang teen ‘n baie hoë prys. Indien jy dit regtig nie nodig het nie – gee weg in SA, maar verkieslik in Australia nadat jy evaluasie daar gedoen het. Dit kos baie duur om enige iets te vervang, so dink baie versigtig. 
·         Indien jy graag met ‘n skoon bladsy wil begin en nuwe meubels, borde, potte en ander goed wil hê, koop dit in SA en bring dit saam met die skip in.  Dit gaan jou in meese gevalle baie goedkoper uitwerk.
·         Australiese winkels se webtuistes is redelik volledig en vergelyk eerder pryse voordat jy in SA  koop of besluit om in Australië te vervang. 
·         Al die geld wat jy spaar om nie iets in Australië te vervang nie, kan beter benut word, soos om weer jou kruideniers aan te vul, om ‘n paar interessante goed te gaan doen om die aanpassing vir die kinders makliker te maak en om eerder te spaar vir daardie eerste huiskoop.
·         Moenie jou SA boeke bring nie. Hier praat ek van boeke soos ou Gesangeboeke of Liedboeke van die Kerk, SA tuinmaak, Diere en Voëlboeke, ou skool en Universiteits handboeke – behalwe natuurlik as dit sentimentele en/of nog praktiese waarde het!
·         Vat soveel moontlik van jou meubels saam of koop nuwe meubels (veral hout as jy kan) omdat dit redelik duur is in Australia, maar onthou ook dat jou huis baie kleiner sal wees in Australia as in SA, dus maak seker dit is nie “bulky” meubels nie. Dink prakties, maar moenie onnodige goed koop omdat jy dink jy dit gaan nodig hê nie. As jy tot nou toe sonder dit kon leef, gaan jy heel moontlik ook in Australia daar sonder kan leef.
·         Meubel koop waarskuwing – die immigrasie ouens kan vir jou vra om te bewys dat die meubels wat jy inbring ouer is as 1 jaar is of dat jy dit meer as 'n jaar terug gekoop het.  Ek verstaan dat indien dit nuut is, kan hulle glo invoer belasting (of so iets) te vra.
·         Australia het ‘n ongelooflike goeie “storage” retail bedryf.  Daar is spesialis winkels wat die storage goed verkoop. Baie van die plastiese “containers” in SA is nog steeds goedkoper, maar sekere van die produkte is meer prakties uiteengesit in Australia – gaan kyk gerus op IKEA se website en ook Howards Storage World. (Die geld wat jy spaar om nie duur meubels, borde en koppies in Australië aan te koop nie, kan jy gebruik om beter storage oplossings te gaan koop)
·         Koop verkieslik al jou duur elektriese ware in Oz.  Die belangrikste rede hiervoor is dat jy ‘n Australiese waarborg sal hê – ek praat nou nie van die extended waarborge wat hulle probeer smous nie.  Bv, ‘n wasmasjien, vacuum cleaner, TV, Grassnyer – hierdie is alles items wat heel moontlik goedkoper in SA sal wees, maar wat doen jy as die ding 6 maande in sy SA waarborg breek – dan het jy geen waarborg in Australia meer nie.  Hierdie is natuurlik nie so belangrik as die item baie goedkoper in SA is teenoor Australia se pryse nie – dan is dit dalk die waag kans werd. Jy moet self hierdie tipe risiko uitwerk.  (lekker confusing nê?
·         Moenie jou baie goeie wasmasjien, tuimeldroeer ens vervang nie. Vat dit saam. Indien dit goed werk en nog ‘n paar jaar sal werk, sal dit ook goed wees vir Oz. 
·         Jy kan ook as jy wil seker maak dat jy nuwe produte koop van bekende name soos LG wat nogals groot is in Australië. Kyk op die websites watter handelsname is bekend en watter van SA se goed is nie beskikbaar of groot in Oz nie.  Onthou, LG het gewoonlik uitgebreide waarborge op al hul goed en dit geld in alle lande.  Maak seker hiervan en die geldigheid voordat jy duur items koop.
·         Daar is wel winkels in Oz wat redelik goedkoop yskaste, wasmasjiene ens verkoop.  Net soos in SA, is daar winkels waar jy die goed teen half die prys (of baie goedkoper) kan koop net omdat dit ‘n krapmerk of duik in het – of ‘n demo model is.  Gaan kyk op “2nds world” se website (gaan soek dit op Google).  Daar is ook ander plekke wat goedkoop “white goods” verkoop soos “the good guys”.  Soek dit ook op Google en kyk hoe dit vergelyk.
·         Bing Lee is ‘n groot elektroniese en “white goods” winkel.  Hulle sny pryse en verklaar dat alles in hul winkel onderhandelbaar is.  Gaan kyk ook op hul website vir pryse en specials. Harvey Norman is ook ‘n bekende groot handerlaar in die items en hulle is ook redelik onderhandelbaar.  Gaan prys gerus die items self op die websites.
·         As jy ‘n vacuum cleaner koop, maak seker dit is ‘n ligte een. Onthou – jy gaan al jou huiswerk self doen en daar is ook ‘n groot kans dat jy in ‘n dubbel verdieping opeindig. Dus, maak seker dat jy gemaklik voel met die vacuum cleaner.
·         Indien jy jou huidige vacuum cleaner en grassnyer saamneem – maak seker dit is besonders goed skoongemaak. “Gesteamclean of gepressure clean”.  Dit sluit ook in vir fietse.  Doane maak die kratte oop om te check as hulle sien daar is fietse, vacuum cleaners en grassnyers in die trek (hulle doen dit ook vir kamp toerusting!).  Doane (soos ek verstaan) stel nie belang in sertifikate van profesionele skoonmaak dienste nie – doen dit eerder self as om ‘n professionele diens in te kry en spaar so geld.
·         Meeste Australiese huurhuise kom met ‘n wasmasjien en ‘n skottelgoed wasser – dus het jy nie nodig om dit te koop of saam te bring nie.  Maak seker oor dit voordat jy trek.  Soos ek verstaan moet die huis wat nie ‘n wasgoedlyn het nie, ‘n tuimeldroeer hê. Dus as jy te veel saambring gaan dit dalk in storage moet bly (of in die garage – as jy een het).  Weeg die waarde van die wasmasjien, skottelgoedwasser en tuimeldroeer op teenoor die risiko dat dit dalk vir ‘n jaar of meer gestoor sal moet word.
·         As jy kinders het, probeer om so 2 jaar se klere vooruit te koop.  Ek bedoel nou hier die basics soos jeans, t-shirts, tekkie (sneakers).  Dit gaan jou ‘n rukkie neem om agter te kom waar jy goedkoper klere kan koop en met die klere wat jy saambring, koop jy dalk ‘n jaar se waarde voordat jy eers seker maak waar jy wil koop.  Hier in SA weet ons mos wat ons by PEP, Ackermans, Woolies en Edgars kan koop en watter kwaliteit is watter prys en winkel werd.  Dit gaan jou nog ‘n rukkie neem om te weet watter waarde byvoorbeeld die Big W teenoor ander winkels se klere gaan wees.  Dit is nog iets waarop jy goed kan spaar en die geld dalk beter kan aanwend.
·         Beddens is baie duur in Oz, dus indien jou matrasse ens nog goed is – bring dit saam.  Jy kan ook eerder nuwe bedens in SA koop en dit met die skip inbring.  Maar wees gewaarsku – beddegoed se grootes verskil (‘n klein bietjie)
·         Linne – indien jy SA beddens saambring, koop genoeg linne om jou die volgende paar jaar te hou.  Linne is nogal duur in Oz.
·         Gordyne – Meeste huise (veral huurhuise) het “blinds”.  Ek het so bietjie na die gordyn pryse in plekke soos Freedom (kyk op website), IKEA en Big W gekyk en die pryse lyk nie te sleg nie.  Net ‘n bietjie duurder.  My raad sal wees om die gordyne saam te bring wat jy het (indien jy wil) en eers in Oz te kyk wat gaan werk en wat nie. Dit is nie te duur om daar “ready made” gordyne te koop nie.  Jy wil ook seker maar eerder seker maak oor die grotes en dit gaan help om dan eerder in Oz te koop.
·         Handoeke is baie duur in Oz – koop jou voorraad in SA!  Die beste kwaliteit by SA Woolworths is baie goedkoper as die standaard handoek in Oz. Hierby ingesluit …… swemhandoeke!!!!
·         Soda Stream … Ons het wel die Soda Stream produk in die Bing Lee winkels gesien, maar dit lyk of die gasbottel langer is as wat ons s’n hier is.  Ek is self nie seker oor hierdie een nie. Indien jy 100% seker wil maak, stel ek voor dat jy ‘n Soda stream agent kontak om te hoor of die Australiese produk verskil van SA s’n.
·         Naaldwerk goed, soos material, garing, wol ens is baie dieselfde geprys as in SA. Daar is duur winkels maar ek het ook goedkoper winkels gesien.  Ek doen baie kruissteek werk en ek is gemaklik om my “stash” daar aan te vul.
·         Tools – vat wat jy het in SA. Dit gaan baie duur kos om dit te vervang in Oz.  Dus, vat jou boormasjien, hammers en al daai goedjies saam.  Indien jy nuwe elektriese tools moet koop – onthou (of neem in ag) die waarborg dilemma. Onhou om jou tools skoon te maak! Los maar die grawe, pikke en harke by die huis en vervang dit in Oz.
·         Fietse is redelik dieselfde geprys as in SA.  Hier bedoel ek nou die kwaliteit wat jy in Game, Pick’nPay of Makro sal kry.  Dit gaan so klein bietjie duurder kos, maar dit sal jou nie arm maak nie.  (Ek het nie na die pryse van fietse gekyk in specialiteits winkels of daardie waarmee jy kompetities doen nie)
·         Fiets valhelms.  Omdat dit wet in Oz is om valhelm te dra as jy fiets ry, skaats of rollerblade, is die kwaliteit van valhelms baie beter in Oz. Dit is my opinie. Ek het na die pryse gekyk en ek voel gemaklik om $20 - $40 te betaal vir ‘n valhelm. (hierdie was by Target en Big W geprys).  Daar is wel duurder helmets, maar ek voel die goedkoper valhelms is van goeie kwaliteit en voldoen aan die Oz wetlike vereistes.
·         Fiets rake – koop dit in OZ. Daardie wat aan jou motor hak sit. Die hak in Australië lyk anders as in SA so jou SA rak sal nie in Oz werk nie.
·         Winkels soos the Big W en Target is soos Game, Dion, en Makro.  Gaan kyk gerus na hul pryse op die web om self te vergelyk. 
Ek hoop bogenoemde lys maak julle nie te deurmekaar nie.  Wat ek weet is dat ons wel gaan foute maak en wens dat ons sekere goed nie saamgeneem het nie of dat ons eerder goed saamgeneem het, maar met bogenoemde info, glo ek ons sal ons spyt kan minimaliseer.
Maak nie saak wat ons vat of los nie, ek sien nogal uit na die uitdaging om die trek te beplan.
Volgende post sal ek julle vertel van ons eerste kwotasie vir ons trek.
Cheers

Friday, 18 November 2011

Back to normal

Dit is nou al net so oor die 2 weke dat ons terug is in Lieflike Suid-Afrika.  Ten spyte van al Qantas se “grounding” drama en frustrasies, het ons ‘n heerlike vlug gehad. As ons een dag  vroeër gevlieg het sou ons gestrand gewees her. Qantas het ons lekker vet gevoer met allerande snacks en lekker kos.  Die vlug personeel was baie gaaf en het nie ‘n “big deal” gemaak oor labour dispute nie.  Dit was werklik ‘n aangenamer vlug as toe ons Australia toe gevlieg het.
Terug by OR Tambo het die realiteit van AFRIKA ons getref toe ons uit die vliegtuig stap en van die grond personeel staan aan teenoorgestelde kante van die “ramp” en skree-praat op hulle manier in een of ander Afrika taal. Ek het afgelei daar was ‘n persoon wat met ‘n rolstoel gehelp moes geword het en hulle het aan mekaar probeer vertel wie die persoon is, want al wat ek kon uitmaak uit die geskree is wheelchair and Mr du Plessis.  Welkom in Africa!
Gelukkig was die ontnugtering van korte duur want terwyl ons aanstap na die doane, speel daar ‘n Afrikaanse liedjie oor die luidsprekers.  Dit was nou ‘n lekker gevoel.
Ons is met geen probleme deur doane – hulle check regtig nie eens die tasse nie… wat nogal skokkend is, maar nou ja – ek weet nie wat hulle agter die skerms doen nie, so miskien moet ek nie te negatief wees nie.
Ons het vinnig die Gautrein gekry en dit het nie te lank gevat nie, toe is ons by die huis.
Die kinders was so bly om ons te sien en kon nie wag vir al hul persentjies nie.  Ek dink hulle was meer opgewonde oor al hul persentjies as om ons te sien J
Nou-ja. Ons is midde die kinders se eksamen. My stiefdogter het nou vir 2 weke pampoentjies (pumps) gehad en kon die afgelope week nie eksamen geskryf het nie. Sy sal nou haar eksames moet inhaal hierdie week. Arme kind, maar gelukkig is sy ‘n goeie leerling en ek glo nie dit sal te moeilik vir haar wees nie.
Ja-nee, terug in na die normale lewe van deure sluit, alarm aansit, vrees om erens heen te gaan en wat nog als.  Hierdie trip na Australië het my nou net weer laat bevestig waarom ons wil trek.  
In tussen het on die eiendoms agente gevra om ons huis se prys te verlaag – hopelik sal die prys nou meer aanloklik wees.  Ek hoop net werklik dat die huis nou gou verkoop want ek is so reg vir ons nuwe lewe in ‘n eerste wêreld.

Monday, 31 October 2011

Ons gaan terug huis toe

So amper of ons was gestrand in Australia.  Qantas het mos besluit om hul hele vloot vliegtuie te "ground" en ons was so netjies in die middel van dit alles. 
Gelukkig het die regering ingespring en vir Qantas gesê hulle moet nou vinnig hul vlerke regskud en begin vlieg. Ons vlug is more oggend (hopelik op tyd!!!!) en ons is klaar gepak en reg om huis toe te gaan. Ek is in die bed, nog een slapie dan gaan ons huis toe.

Ek voel so absoluut in 2 gedeel. Ek wil huis toe gaan om my kinders te sien - ek verlang vreeslik!!!! Maar ek wil ook hier bly om met my nuwe lewe te begin.  Ek sal myself maar goed orienteer om die "laaste skof" daar in Suid Afrika klaar te maak.

Nou ja, Suid Afrika hier kom ons. Tot volgende jaar Australia :-(

Friday, 28 October 2011

Wat doen ons in Sydney?

Ons bly nou by my swaer en skoonsus in Mosman en my skoonfamilie is so wonderlik.  My skoonsus het vir ons ‘n hele program uitgewerk om mense te ontmoet, woonbuurte te sien en sekere winkels te ondersoek.  Dit is wonderlik om sulke familie te hê! Hulle help ons so baie.
Ons het nou al reeds in Wahroonga gaan braai en liefelike mense daar onmoet. Verder  het ons lekker geshop in Warringah Mall. In die mall het ons pryse gaan vergelyk (tussen Australia en Suid Afrika pryse) van sekere items soos grassnyers, huis ware, fietse en nog ander.  Ons was ook by groot winkels soos Target en The Big W (dit is soos Game in SA), klerewinkels, Meubel winkels soos Freedom en Harvey Norman en nog vele ander.  Die algemene gevoel – Australia is duur!!!!!!!! Maar nie onmoontlik om hier te woon nie.
Die uiteinde van die prys vergelyking: koop soveel moontlik in Suid Afrika en bring dit met die krat saam. Behalwe…. Goed wat eerder in Australia ‘n waarborg moet hê (duurder en waardevoller items soos ‘n nuwe TV)  Indien julle anders voel of ‘n opinie hieroor het, skryf gerus ‘n boodskap. Ek luister na alle raad!!!
Ons het ook ‘n rukkie in Cherrybrook by ‘n kennis gaan kuier. Om die eerlike waarheid te sê, hierdie is vriende van my wat in Suid Afrika woon se familie. Ek ken haar eintlik van geen kant af nie, behalwe die bietjie wat ek van haar hoor via Facebook en van my vriendin af. Maar wat ‘n wonderlike mens?! Dit is so lekker en welkomend om Suid Afrikaners te ontmoet wat uit hul pad gaan om ons te help.  Hierdie nuwe vriendin het ons in die omgewing gaan rondwys, die skole, die winkel sentrums en nog vele ander. Ons het ook in die Cherrybrook bos/woud gaan koffie drink!  WOW – Ek het op ‘n ander persoon se blog heerlik gelees oor hoe hy en sy gesin in die woud gaan fietsry of stap en nou doen ek self.  Heerlik!
Net so was al die ander vriende aan wie my skoonsus ons bekend gestel het. Almal gee onvoorwaardelik raad en bied hulp aan.  Hierdie gemeenskap in Australia is ongelooflik.  Ek kan aanvoel dat ek lekker sal kan woon in hierdie lekker land.
Ons het vir 2 dae saam met ‘n relocation specialist rondgery en sy het vir ons ongelooflike raad gegee.  Sy het ook vir ons in die Northern Beaches area gaan skole en woonbuurte wys. Hier in Sydney (ek dink die hele Australia werk so, maar ek is nie seker nie), is die skole baie streng oor hul voergebied.  Dus, as jy aan die verkeerde kant van die straat bly, kan jy die skool se voergebied mis en dan kan dit wees dat jou kind nie in die skool kom wat jy wou gehad het nie. 
Met 3 kinders wat moet skool toe gaan, is dit vir ons ‘n prioriteit om in die areas te bly met die beter skole.
Ons het in areas soos Balgowlah, Balgowlah Heights en North Balgowlah, Frenches Forest, Belrose en Killarney Heights rondgery.  Ons het die 2de dag Upper North Shore gedoen en dit sluit in: Lindfield, Pymble, Gordon, St. Ives, Wahroonga, Turramurra and Northbridge.
Ons neig op die oomblik meer na die Balgowlah of St. Ives omgewing.  Die grootste rede hiervoor is dat dit BAIE goeie skole het, naby die stad is en naby die strande is.  Siende dat ons nog nie seker is waar Sarel gaan werk nie, is hierdie goeie areas omdat mens maklik met die paaie en openbare vervoer by al die areas kan uitkom, binne ‘n redelike goeie tyd.
In tussen het on sook ons bankrekening geaktiveer en hulle het vir my ‘n PINK bank kaart gegee.  Ek is mal oor my pink kaart!
Ek moet sê…. Ek voel so bevoorreg om hierdie Look, See and Decide (LSD) te kan doen.  Ek weet van baie mense wat net trek en nie hierdie voorreg het nie.  Ek het so baie inligting ingewin en voel nou nog meer gereed as ooit om te trek.  Nou nog steeds net daardie huis in Centurion verkoop!!!!!!!

Monday, 24 October 2011

Hello Sydney

Kan julle glo, ons is in Syney!  Nee, ongelukkig nog nie om te bly nie, maar net om ‘n bietjie besigheid af te handel.
Die hoofrede waarom ons Sydney toe gekom het was om ons “entry” te doen.  Vir verskeie redes (wat nou te kompleks is om hier te noem) het ek en Sarel besluit om nou te kom en dan moontlik ons finale trek te doen voordat die “entry” datum vir die kinders verval.  As ons nie kan trek voor die kinders se entry datum verstryk nie, sal ons die kinders volgende jaar moet bring vir hul entry.
Ons het Woensdag die 19de teen so ongeveer 15:00 by Centruion Gautrain stasie op die trein gespring, OR Tambo toe gery (stresloos!!!! – I LOVE THE GAUTRAIN!) en ons vlug 18:15 gekry.  Net gou noem, my oudste dogter (Neré) was nogal hartseer toe ons by die huis weg is.  Ek kry toe ‘n sms van haar terwyl ons op die trein is en ek dink toe ag fooitog, sy mis my en dit is ‘n “ I love you” of ‘n “ I miss you” sms.  Maar nee!  Die sms lui toe: “ Mommy, you forgot to give me airtime (sad face)”. Ja-Nee, ons moet seker maar gewoond raak aan die prioriteite in die kinders se lewe!!!
Nou vir die nuus wat ek wil verkondig!
Ek en Sarel het nou offisieel PERMANENTE VERBLYFREG!!! Dit voel of ek op die dak kan staan en dit skree sodat almal dit kan weet.  Maar ..… dit is nie so ‘n BIG DEAL vir dié klomp nie.  Die hele “entry”-stamp-ding was maar taamlik onseremonieel. Net ‘n professionele “welcome to Australia” nadat die doane beampte ons paspoorte gestempel het.  Ek en Sarel het natuurlik gestaan en juig – saggies …. anders sou ons die ander doane beamptes se aandag trek.
Ek het dit al hier voor my gebeeld …. Hoe hulle my eenkant toe roep en my vra oor drugs en ander goed omdat my “gedrag die van pas is nie”. Ek het my al self gesien hoe ek mooi probeer verduidelik waarom ek opgewonde is en die res van die wêreld sien my op “border security”. Dus, om te vermy dat my grootste nagmerrie waar word, dié van my gesiggie op Border Security, het ons maar onsself stil en beleefd gehou en gejubel toe ons deur doane is!
Kan ek dit weer aan julle noem….?  Ek kan nou kom en gaan tussen SA en Australia soos ek wil.  Ons het verblyfreg!!!!!
More vertel ek julle meer oor wat ons al alles hier gedoen het en wat ons nog gaan doen.

Saturday, 8 October 2011

Jy weet jy is 'n Suid Afrikaner as:

Ek het gister hierdie email gekry en gedink ek wil dit graag met julle deel.  Dit was in Engels en ek gaan dit defnitief nie vertaal nie, so lees maar in Engels:

You know you are South African when:
·         Your employees dance in front of the building to show how unhappy they are
·         You know what Rooibos Tea is, even if you've never had any
·         We call it a braai, because BBQ is the name of a spice or chip flavour
·         Drying out perfectly good meat and eating it weeks later is considered a delicacy
·         A braai is a dinner party
·         You can sing your national anthem in four languages, and you have no idea what it means in any of them
·         You know someone who knows someone who has met Nelson Mandela
·         You go to braais regularly, where you eat tjops and boerewors and swim, sometimes simultaneously
·         You know that there's nothing to do in the Orange Free State
·         You produce a R100 note instead of your driver's licence when stopped by a traffic officer
·         Everyone understands the real meaning of: Ja-Nee, lekker and sharp
·         Travelling at 120 km/h and you're the slowest vehicle on the highway/freeway
·         You can do your monthly shopping on the pavement
·         You have to hire a security guard whenever you park your car
·         The police hire private security to protect the police station
·         You go to a wedding or other great event and watch the rugby and this is totally accepted and understood
·         You know that a taxi is not a “cab” or a safe method of transport, although it is one of the largest public transport methods
·         You know a taxi can move twice it's certified number of people in one trip
·         People are more terrified after 5 minutes in a taxi than appearing on a whole episode of "Supernatural"
·         To get free electricity you have to pay a connection fee of R750
·         More people vote in a local reality TV show than in the local election
·         A taxi overtakes you just to stop right in front of you
·         People have the most wonderful names: Christmas, Goodwill, Pretty, Wednesday, Blessing, Brilliant, Gift, Precious, Innocence, Given, Patience, Portion, Coronation, Star, Goodness, Moses, Lucky, Tiny, Bigboy, Terror, Firstborn and also ….. Lastborn
·         "just now" can mean anything from a minute to a month
·         You continue to wait after a traffic light has turned to green to make way for taxis travelling in the opposite direction
·         You're genuinely and pleasantly surprised whenever you find your car parked where you left it
·         A bullet train (Gautrain) is being introduced by the Government, but they can’t fix potholes
·         You have family on all the continents
·         The last time you visited the coast you paid more in speeding fines and toll fees than you did for the entire holiday
·         You paint your car's registration on the roof and this is considered normal
·         Prisoners go on strike
·         Ruwandan refugees start leaving the country because the crime rate is too high
·         The police ask you if they should follow up on the burglary you’ve just reported
·         Half the city pays for the other halfs’ electricity and water supply
·         A murderer gets a suspended sentence, but if you failed to pay your TV license, you get 2 years sentence
·         The police adives you not to stop if they wave you down in the middle of the night, but rather speed past them and drive to your nearest police station
·         You don’t stop at a red traffic light, in case somebody hijacks your car
·         The Student Union demands that academic achievement shouldn’t be a criterion for university acceptance, as it is discriminatory
·         Landlords may not evict illegal squatters unless they offer them alternative accommodation
·         Scholars protest at the lack of schooling facilities by destroying school buildings
·         Your insurance is higher than the repayments on your car
·         Crime actually DOES pay
·         You can't even go on a business trip to Oz without somebody asking knowingly: 'Oh, having a look around, are you?....'
·         You realise after watching the news on TV that nothing happened in the rest of the world
·         Nobody longer request anything, they “demand” it
·         Where the road narrows, the guy to the rear of you has right of way
·         The SABC advertises and shows highlights of the program you just finished watching
·         The petrol in your tank may be worth more than your car
·         You have to take your own linen with you if you are admitted to a government hospital
·         You actually get these jokes, understands all of them and then pass them on to other friends from South Africa or blog about it.

Daar is net een so 'n land en glo dit of nie, ek is nog steeds lief vir hierdie land.  Ek hou net nie van wat met die land gebeur nie.
Lekker dag vir julle verder!

Saturday, 24 September 2011

Ons huis

Posted by Picasa


Ek sê deesdae vir mense dat ek nie meer bid dat God ons moet help om die huis te verkoop nie, maar dat Hy eerder vir my moet help met meer geduld.  Hulle sê huiskoop (en trou!!) is nie perde koop nie.  Nou ja, met die huidige ekonomie, is ek seker die verkoop is erger as die koop! 

Ons kan slegs trek en begin planne maak vir ons emigrasie uit Suid Afirka na Australia as ons huis verkoop is.  Dus, is dit nou die laaste dingetjie wat in ons pad staan.  

In Julie 2005, net nadat my eerste man oorlede is, het ek besluit om uit Durban/Pinetown area te trek, terug na my bekende omgewing in Alberton, Gauteng. Na so 'n geweldige slag in my lewe wou ek nader aan my ouers en skoon ouers wees. Ek het die huis redelik vinnig na Jan se dood in die mark gesit.  Ek onthou nog goed, die huis het die Maandag oggend in die blaadjie verskyn en daardie aand was 4 mense op ons rylaan om die huis te kom bekyk. Almal gelyk.  Die agent het behoorlik bokgespring om die ouens tevrede te hou.  Hulle is toe almal daar deur die huis en terug op die rylaan staan hulle en stry oor wie eerste 'n offer gaan insit. Almal wou gelyk die huis koop!  En dit teen dubbel die prys wat ek en Jan die huis voor gekoop het aan die begin van 2003.

Tjoef-tjaf en die huis verkoop was afgehandel.

Nou ja, hierdie keer is 'n totale ander storie.  2005 was die ekonomie in 'n "boom"en alle huise het vinnig verkoop. Die huis mark was op sy top.

Nadat ek vir Sarel ontmoet het en ons verloof geraak het, het ons besluit om saam in te trek.  Met sy kinders en my kinders saam, is ons skielik 'n gesin van 6 en Sarel se 3 slaapkamer huis was nie meer groot genoeg nie.  Ons het toe onmiddelik begin soek na huise wat groot genoeg is vir die groot gesin.

Ons het oral in die omgewing gesoek. Sarel se kinders was reeds gevestig in hul skole. Ons moes dus in die voerarea van die skole bly, sodat my kinders na dieselfde skool kon gegaan het.

Ons kon net eenvoudig nie 'n lekker huis kry wat in ons prysklas is nie.  Die huise wat wel genoeg slaapkamers bied, was net bo ons vuurmaakplek.  Een van die agente vat ons toe na 'n huis in 'n estate wat soos die kraai vlieg, nie eens 1km van ons huis af was nie.  Ons het nie van die huis gehou wat die agtent ons gewys het nie (toevallig bly my ginekeloog nou in daardie huis!), maar ons het verlief geraak op die area en besluit om 'n erf te koop en ons eie huis te bou. 

Sarel het al voorheen gebou en my pa is 'n elektrisiën, met baie bou ondervinding, so ons was reg vir die groot taak.

Ons het 'n perfekte erf gesien en dit gekoop.  'n Baie goeie argitek vriend het ons bouplanne gedoen en teen einde 2007 was ons reg vir die bou. Voor die bou het ons nog gou getrou, Sarel se huis verkoop en oorkant ons erf in 'n huurhuis ingetrek.  Ons was reg om as eienaarbouers ons huis te bou.

Hier is 'n paar foto's van ons bouwerk en ons huis:

Die erf voordat ons begin bou het



Grondwerke begin



Grondwerke en voorbereiding

 



Die kinders speel tog te lekker in die sand wat vir die grondwerke afgelewer is



Voorbereiding vir die "raft foundation" - hier is baie dolomiet grond en gevolglik mag hier slegs "raft" fondasies gedoen word

 


Die elektriesiteits, riool, ingeboude vacuum cleaner en Sarel se home automation pype word gelê voordat die sement kom.  Die huis reg in die middel, regs van die geel huis, is die huurhuis waarin ons gebly het terwyl ons gebou het.  Ons kon lekker toesig hou oor ons 'baba'.

 


En daar kom die sement. 
Hierdie was die 8ste Desember 2007 gedoen. Ek onthou nog goed, want dit was die dag voor my verjaarsdag.

 


Terwyl hulle die sement gooi, het 'n vreeslike storm ons getref (Tipiese Hoëveld storm). Al die modder het dit onmoontlik gemaak vir die sement trokke om naby die fondasie te kom en gevolglik moes ons vinnig reel vir hierdie oranje monster om te kom help met die pomp van die sement.

 


Siende dat die boubedryf mos toemaak vir kersfees het ons die bouwerk laat staan tot Januarie 2008.  Hierdie was die eerste stene wat gelê is in Januarie.




En 'n paar weke later was ons reg om die "slab" te laat gooi vir die eerste vloer om gebou te word.



Hier begin hulle die eerste vloer se mure te bou op die droeë slab

 


En vinnig-vinnig was die eerste vloer gebou.


Die dak kom op ...




Die voorkant van die huis
 

Amper klaar gepleister




'n Kaaps-hollands huis moet mos wit wees!
 

Die huis is klaar - hier met al die ligte aan.  Dit was so snaaks, want Sarel het sy eie "home automation" ding hier by die huis ingesit.  Dit sou op hierdie stadium 'n rukkie neem voordat hy al die ligte uitsorteer het.  Gevolglike as mens 1 lig wil aanskakel om iets te doen in die aand, moes die hele huis se ligte aankom.  Ons bure en die mense wat verby gery het, het seker gedink ons was mal want AL ons ligte was altyd aan. Gelukkig het Sarel dit uitsorteer voordat ons ingetrek het.




Die ligte binne die huis


Ons huis van agter

 Ons huis van voor 


Ons het hierdie huis met liefde gebou. Daar was baie sweet, maar gelukkig nie bloed of trane nie. Dit was 'n wonderlike projek vir my en Sarel binne ons eerste huweliks jaar.  Ons het goed saamgewerk en die huis het baie goed uitgekom.  

Ons het Augustus 2008 ingetrek. Ons woon nou al 3 jaar in hierdie huis en ons is ongelooflik gelukkig hier.  Dit is 'n wonderlike entertainment huis met 'n groot kombuis, patio, snooker en pub kamer en genoeg slaapplek vir 'n klein army.  

As ons geweet het dat ons sou Australia toe immigreer, sou ons nooit die huis gebou het nie.  Maar ons kan nie vooruit sien nie en ons het ons besluit geneem. Ek gaan nie in Suid Afrika bly net omdat ons 'n goeie huis het nie.  

Ons het Janurie 2011 die huis in die mark gesit. Daar is huidiglik 5 agente wat die huis bemark.  Gister, die 23ste September, het ons 5de persoon na die huis kom kyk. Nog net 5 mense!!!! Dit is vreeslik min mense!

Maar nou ja, dit is 'n huis wat in 'n baie spesifieke mark is.  In tussen bid ek vir daardie geduld.  Elke persoon wat die huis kom kyk is een nader aan die persoon wat dit gaan koop, so ek is geduldig!!

Hou saam ons duim vas (en vir die wat wil, bid asb) dat die huis sal verkoop - of dat ek meer geduld moet kry :-)

Groete tot 'n volgende keer.

Monday, 12 September 2011

Mylpaal nommer 1

Vandag het iets baie spesiaal vir my gebeur.  Ek dink dit was een van daardie vele mylpale op ons reis.
Ek weet daar gaan sommige mense wees wat nie die êrns hiervan gaan verstaan nie, maar die wat alreeds besluit het om te emigreer, wie besig is met die proses of die wat dit reeds deurgemaak het sal verstaan waarom ek so opgewonde is oor wat vandag gebeur het.
As gevolg van verskeie redes, maar hoofsaaklik finansieel, het ons besluit om ons Desember “vakansie” na Australië te kanselleer en eerder ander plan te maak met die “entry” van almal.  Vir nou, gaan ek en Sarel alleen in Oktober na Sydney om ons “entry” te doen, ons bankrekening te aktiveer, buurte te gaan bestudeer en sommer net kyk hoe ons lewe gaan werk in Sydney. 
Ons hoop dan om voor ons “entry” datum verstyk al die kinders volgende jaar in te neem, of dalk kan ons selfs voor daardie datum emigreer.
Nou ja, terug na my spesiale ervaring vandag.  Ek skakel toe die reisagent wie ons altyd van gebruik maak (persoonlik en vir die besigheid) om ons vlugte vir Oktober te bespreek en sy vra al die nodige vrae insluitend of Sarel sy Nederlandse paspoort gaan gebruik en of sy my kan help met my visum aansoek.  Ingedagte sê ek vir haar ja, Sarel sal seker sy Nederlandse paspoort gebruik.  Sy vra my toe of ek sal regkom met my toeriste visum. 
Dit voel toe vir my of iemand my met ‘n plank oor die kop slaan en toe onthou ek.  ONS HET NIE VIUSMS NODIG NIE.  ONS HET PERMANENT RESIDENCY VIR AUSTRALIE.
Ek voel toe redelik stupid om vir haar se sê dat ek ‘n fout gemaak het oor Sarel se paspoort, maat toe verander my stupidgeit vinnig na trots toe ek haar vertel dat ons beide met ons Suid Afrikaanse Paspoorte ingaan want ons het ons PR visums en dit is ons “entry”.
Dit was amper onwerklik! Dit was 'n oomblik waar realiteit ingeskop het! Wow, ons gaan ons PR gebruik!  Ek is werklik trots op die feit dat ons die belangrike dokument het!
Op 'n ligter noot: Ek dink ‘n ander mylpaal is dat Sarel die naweek ‘n Australiese bankrekening oopgemaak het via die internet.  Ons kan net geld inbetaal in die rekening en kry geen rente totdat Sarel homself gaan “aanmeld” by die persoonlike bankier om te kan wys wie hy is (‘n Fika tipe ding) en dan kan ons begin transaksies doen met die rekening.
Mens kan maklik ‘n “immigrant rekening” by meeste Australies banke oopmaak via die internet.  Elke bank bied maar soos hier in SA dieselfde tipe diense en kostes.  Dit is ‘n persoonlike besluit en ek sal aanraai dat indien jy ‘n rekening wil oopmaak, dit nie te doen net omdat iemand gesê het die bank is goed nie. Doen jou huiswerk. Dit is hoekom ons internet het! J
Nou wag ek vir my volgende paar pylpale om julle te vertel.  Met elke mylpaal kom die tyd al hoe nader vir ons trek.